Vanõmbidõ Kogo vahtsõnõ projekt võrokõisi hindätiidmisest

Kuis võrokõisi hindätiidmine tõisilõ kõrda pidänü minemä?

2025. aastagal olõmi osa vähämbüsrahvidõ õiguisi grupi MRG Euruupa rahastusprogrammist MARIO, mille raamen veemi ello projekti “Indigenous Võro people of Estonia: from self-identification to official recognition”.

Ütest külest olõ-õi Eesti inemiseq ega ka võrokõsõq häste kursin põlisrahvidõ- ja kiili õiguisiga, tõsõst külest lövvüs tuu man hulga pelgüst ni võlssarvamiisi. Projektiga tahami taan vallan inämb teedüst jakaq.

Seo projektiga tahami löüdäq inämb kuuntüüd ja kõnõlamisvõimaluisi võrokõisi murridõ üle ammõdiasutuisiga nii paigapäälitsel ku riigi tasandil. Tahami, et avaligun ruumin olnu võrokõisi kottalõ õnnõ õigõ ja mitmõ küle päält kaeja teedüs.

Ka vanõmbidõ kogol om hulga oppiq tuu kottalõ, määne võrokõisi ja Vana-Võromaa tulõvik vällä võinu nätäq. Seo projekt vii meid kokko tõisi Euruupa piirkundlikkõ kiili iistsaisjidõga ni oppas meid näide kogõmusõst.

MARIO-t rahastas Euruupa Liidu kodanikkõ, võrdõiguslikkusõ, õiguisi ja väärtüisi programm (2021-27).